Satyanarayana Ashtakam | सत्यनारायण अष्टकम् स्तोत्र | समस्त मनोकामनाओं की पूर्ति हेतु अवश्य पाठ करें <br /><br />#narayan #नारायण #सत्यनारायण #satyanarayan #सत्यनारायणाष्टकम्<br /><br />श्रीसत्यनारायण अष्टकम्<br /><br />आदिदेवं जगत्कारणं श्रीधरं लोकनाथं विभुं व्यापकं शङ्करम् ।<br />सर्वभक्तेष्टदं मुक्तिदं माधवं सत्यनारायणं विष्णुमीशम्भजे ॥१॥<br /><br />सर्वदा लोककल्याणपारायणं देवगोविप्ररक्षार्थसद्विग्रहम्।<br />दीनहीनात्मभक्ताश्रयं सुन्दरं सत्यनारायणं विष्णुमीशम्भजे ॥२॥<br /><br />दक्षिणे यस्य गङ्गा शुभा शोभते राजते सा रमा यस्य वामे सदा ।<br />यः प्रसन्नाननो भाति भव्यश्च तं सत्यनारायणं विष्णुमीशम्भजे ॥३॥<br /><br />सङ्कटे सङ्गरे यं जनः सर्वदा स्वात्मभीनाशनाय स्मरेत् पीडितः ।<br />पूर्णकृत्यो भवेद् यत्प्रसादाच्च तं सत्यनारायणं विष्णुमीशम्भजे ॥४॥<br /><br />वाञ्छितं दुर्लभं यो ददाति प्रभुः साधवे स्वात्मभक्ताय भक्तिप्रियः।<br />सर्वभूताश्रयं तं हि विश्वम्भरं सत्यनारायणं विष्णुमीशम्भजे ॥५॥<br /><br />ब्राह्मणः साधुवैश्यश्च तुङ्गध्वजो येऽभवन् विश्रुताः भक्त्यामराः ।<br />लीलया यस्य विश्वं ततं तं विभुं सत्यनारायणं विष्णुमीशम्भजे ॥६॥<br /><br />येन चाब्रह्मबालतृणं धार्यते सृज्यते पाल्यते सर्वमेतज्जगत् ।<br />भक्तभावप्रियं श्रीदयासागरं सत्यनारायणं विष्णुमीशम्भजे ॥७॥<br /><br />सर्वकामप्रदं सर्वदा सत्प्रियं वन्दितं देववृन्दैर्मुनीन्द्रार्चितम्।<br />पुत्रपौत्रादिसर्वेष्टदं शाश्वतं सत्यनारायणं विष्णुमीशम्भजे ॥८॥<br /><br />अष्टकं सत्यदेवस्य भक्त्या नरः भावयुक्तो मुदा यस्त्रिसन्ध्यं पठेत्<br />तस्य नश्यन्ति पापानि तेनाग्निना इन्धनानीव शुष्काणि सर्वाणि वै ॥९॥<br /><br />॥ श्रीसत्यनारायणाष्टकं सम्पूर्णम् ॥
